Энэ удаад би угсармалын хэмээх тодотголтой нэг өрөө байрны дотоод заслын загвар ямар байх талаар зөвлөмж өгөхийг зорилоо. Ерөнхийдөө 70-аад оны эхэн үеэс дизайн урлаг тэр дундаа интерьер дизайнд минималист урсгал нилээн их зонхилж байгаа хэдий ч сүүлийн жилүүдэд энэ урсгал аажимаар зогсонги болжээ. Загвар зохион бүтээгчид энэ урсгалаас аль болох зайлсхийн өөр янз бүрийн чимэглийн урлаг болон эртний урлагийн хэв маяг хамтатган хийснээр орон зайн төлөвлөлтөд шинэ хэв загвар гаргаж ирсээр байна. Гэвч энэ нь өөр урсгал урлагын хэв маяг огт байгаагүй гэж хэлж болохгүй юм. Гэвч манай оронд нийтлэг түгээмэл хэрэглэгдэх болсон интерьер дизайны шийдэл ихэнхдээ яагаад ч юм сүсэг бишрэл аливаа зүйлийг тахин шүтсэн сонин ёс дэгтэй болчихсон байгаад би их гайхдаг. Энэ нь манай зан үйлтэй ч холбоотой. Гэхдээ сүүлийн үед фэн-шүй гэх мэтийн маш олон төрлийн толгой эргүүлсэн зүйлүүд гарч ирсэнээр хүмүүсийн толгойг эргүүлсэн холион бантан л болоод байгаа юм. Нэг загвар гаргахад заавал хойно нь фэн-шүй талаасаа ямар вэ? Уламжлалт талаасаа харагдахгүй байна гэх зэргээр олон асуулт ундардаг. Мэдээж би зохион бүтээж байгаа орон зайгаа аль талаас нь харж хийхээ эхлээд тооцоолох хэрэгтэй. Уламжилал, шашин, фэн-шүй, аливаа нэгэн урлагын хэв маяг… гэдгээс шалтгалан орон зайгаа төсөөлөн бодсоны үндсэн дээр загвараа гаргадаг. Танд хандаж хэлхэд аливаа зүйлийн хослуулан хэргэлэх нь муу зүйл биш. Гэхдээ хэт туйлширах нь хамгийн муу үр дагвартай. Аливаа зүйл энгийн байхдаа хамгийн төгс байдаг. Тийм учираас гэр орноо тохижуулахдаа аль нэг талаа баримтлах нь хамгийн зөв шийдэл бөгөөд та бүхэн мэргэжлийн хүнд хандан зөвлөгөө авах нь хамгийн зөв алхам юм. Загвар хэв маягийн хувьд хар хүрэн, цагаан гэсэн хоёр өнгө сонгсон нь эрс тэс өнгөний ялгарал орчинийг цэвэр тансаг харагдуулах болно. Энэ орон сууцны том өрөөний талбайг хоёр хэсэгт хуваан нэг хэсэгт нь унтлагийн өрөө гаргаж өглөө. Мөн хаалт болгон хийсэн ханийг шууд битүүлж хийх нь зохимжгүй харагдах тул шилэн ханаар тусгаарласан нь цонхны гэрэл нэвт гэрэлтэж өрөөний наад хэсэгт гэрэлт нэвтрүүлэх юм. Энэ хэсэгийг сонгон эртний рококо уран барилгын хэв загвар санагдуулам хээгээр чимэглэж орчин үеийн шийдэлд тусгаж өглөө. Хэт эрээн санагдаж магадгүй ч энэ нь харин ч эсрэгээрээ тансаг мэдрэмж төрүүлнэ. Учир нь, 1-2 ам бүлтэй айл байхаар бодолцож хийсэн болхоор хаалт хийх нь илүү хэрэглээ талаасаа зохимжтой болов уу. Хээ чимэглэл нь унтахаар хэвтэж байгаа хүнд тансаг орчин мэдрүүлнэ. Ингэж орон зайг хувааж жижиг хэмжээтэй болгосон нь бас нэгэн шатгаантай учир нь хүн гэдэг тун нарийн маш мэдрэмтгий систем юм аливаа гадны нөлөөнд санаанд багтамгүй сонин хачин бөгөөд гайхмаар хариу үйлдэл хийх нь элбэг үүний нэг жишээ нь ямарч шалтгаангүйгээр аливаа зүйлээс айх айдас бөгөөд үүнийг анагаах ухааны хэлэнд ФОБИ гэж нэрэлдэг. Агарофоби буюу ил задгай газраас айх айдас, Гинофоби буюу унтхаас айх айдас, Ахлуофоби буюу харанхуйгаас айх айдас Кенофоби буюу хоосон гэрээс айх айдас зэрэг сэтэглзүйн согогтой хүмүүст энэ интерьер шийдэл их тохиромжтой ингэж давчуу хуваасан орон зай зарим нэг талаараа харанхуйгаас айдаг бас том цэлгэр өрөөнд байж чаддаггүй хүмүүст тохиромжтой нэг үгээр хэлбэл хэт том орон зайд унтаа байдалд байхдаа хүмүүс ихэнхдээ өөрсдийгөө ямарч хамгаалалтгүй хий орон зайд байгаа мэтээр төсөөлөн тэр хий орон зайгаа дүүргэх гэж аливаа дүр дүрслэл оюун ухаандаа төсөөлөн түүгээрээ хоосон орон зайг өөрийнхөө оюун ухаанд дүүргэж нэг үгээр үйл явдалаа ургуулан бодож янз бүрийн зүйл тархинд нь холилддог. Тэр нь ихэнхдээ хар дарж зүүдлэх, янз бүрийн зүүдээр илэрхийлэгддэг ба удаан хугацааны туршид энэ хэвээрээ үргэлжилхэд гүн стрэст ордог. Мөн та бүхэнд хандаж хэлхэд таны хүүхэд ч юмуу гэр бүлийн хүмүүсээс дээрх шинж илэрдэг бол аль болох унтлагын өрөөнд нь толь байрлуулах хэрэггүй ер нь унтлагийн өрөөнд толь байрлуулахад орон зайг улам илүү томсгож өөр бас нэгэн орон зай үүсгэж дээрхи сэтгэцийн эмгэгтэй хүмүүст нөлөөлдөг. Энэ төрлийн сэтгэцийн эмгэгтэй хүмүүс голдуу хар дарж зүүдлэх нь элбэг иймэрхүү зүүд ихэнхдээ тархинд яг бодит амьдралд болж буй мэтээр төсөөлөгдөн хүнийг цочролд оруулдаг. Тийм болохоор унтлагын хэсгийг давчуу хэдий ч том өргөн ортой байхаар бодолцож хийсэн. хувийн хэрэглэлийн шүүгээг нь шууд орны хажууд байрлуулж орлуугаа гарах шатны хөндийг ашиглан шүүгээ гаргахаар бодолцож хийлээ. За ингээд бага ч атугай та бүхэнд миний зөвлөгөө хэрэг болох байхаа. Та бүхэн асуух зүйлээ id_designer_96@yahoo.com хаяграа илгээгээрээ та бүхэнд амжилт хүсэе.
|
P2021-07-24 -